Район «Башкортстан – сәламәт яшәү рәвеше яклы» Авыл уеннарында вакытыннан алда республика чемпионы булды

Безнең спортчылар дартс буенча БР чемпионатында беренче урынны алды. Ярышлар Уфада «Башкортстан – сәламәт яшәү рәвеше яклы» республика спорт уеннары исәбенә үтте.

Ярышларда республика шәһәрләре һәм районнарыннан 23 команда катнашты. «Бу ярышларны икенче ел рәттән Башкортстан Республикасының дартс федерациясе үткәрә, — ди районның спорт комитеты рәисе Рәхимҗан Шәйхетдинов. – Катнашырга теләүчеләр елдан-ел арта, безнең спортчылар спорт мастерлары, спорт мастерлыгына кандидатлар белән бертигез ярышты. Без былтыр да беренче идек. Ә быел башкаларга караганда күбрәк тә катнашучылар алып килдек».
Нәтиҗәдә ир-атлар арасында парлы разрядта безнең спортчылар – беренче һәм өченче, хатын-кызлар арасында парлы разрядта икенче урын алды. Шәхси беренчелектә Альберт Шәрипов өченче урында булды. Безнең хатын-кызларыбыз Вера Исмәгыйлова, Римма Килина һәм Анастасия Шерстобитова да яхшы уйнадылар. Парлы разрядта Назар Шәяхмәтов һәм Альберт Шәрипов чемпион булдылар.
Әйткәндәй, дартс буенча ярышлар олимпиадада уйналмый торган 27 спорт төре арасында соңгыдан алдагысы булды. Республика спорт уеннарын шахмат ярышлары тәмамлаячак. Әмма, Рәхимҗан Галимҗанович сүзләре буенча, «Башкортстан – сәламәт яшәү рәвеше яклы» республика спорт уеннарында безнең районның беренче урында булачагы турында ышаныч белән әйтергә була.

Сезгә ошарга мөмкин...

Комментарий өстәргә

Ваш e-mail не будет опубликован. Обязательные поля помечены *