Халык биюләрен башкардылар

Николо-Березовка балалар сәнгать мәктәбенең «Жемчужина» ансамбле балалар сәнгать мәктәбендә укучылар арасында хореография сәнгате буенча «Афәрин» республика конкурсында дипломант булды.
Конкурс республиканың дүрт шәһәрендә үтте. З.Исмәгыйлов исемендәге Уфа дәүләт сәнгать институтының хореография кафедрасы мөдире, Р.Нуриев исемендәге Башкорт хореография колледжы директоры, хореография дисциплиналары укытучысы Олия Вильданова составындагы жюри 100дән артык хореография коллективлары һәм ялгыз башкаручыларның чыгышларын өч яшь төркемендә бәяләде.

Николо-Березовка балалар сәнгать мәктәбе конкурска «Жемчужина» (җитәкчесе Н.Әхиярова, А.Ракыйпова) үрнәкле хореография ансамбленең чыгышын тәкъдим итте. Ансамбльдә катнашучылар классик һәм халык биюләрен, «Вдоль по улице» мари биюен һәм «Аккошлар» башкорт биюен күрсәтте. Конкурс йомгаклары буенча «Жемчужина» уртанчы яшь төркемендә (12-14 яшьлекләр) дипломант булды, Халык биюен куючы Р.Сәрвәров «Концертмейстер осталыгы өчен» дипломы белән бүләкләнде.

Сезгә ошарга мөмкин...

Комментарий өстәргә

Ваш e-mail не будет опубликован. Обязательные поля помечены *